Sergen Yalçın yenidən "Beşiktaş"ın baş məşqçisi olacaq
https://qelebe.az//uploads/photo/sergen-yalchin-yeniden-beshiktashin-bash-meshqchisi-olacaq.webp
Sergen Yalçın yenidən Türkiyənin "Beşiktaş" komandasının baş məşqçisi olacaq.
"Report" xəbər verir ki, bu barədə yerli "Sözcü" nəşri məlumat yayıb.
"Ağ-qaralar"ın yeni prezidenti seçilən Serdar Adalı 52 yaşlı mütəxəssislə anlaşıb. S.Yalçınla 3,5 illik müqavilənin imzalanacağı gözlənilir. O, bu postda niderlandlı Covanni van Bronkhorstu əvəzləyəcək.
Qeyd edək ki, 2020-ci ilin yanvarından 2021-ci ilin dekabrınadək "Beşiktaş"ın baş məşqçisi olan Sergen Yalçın komanda ilə Türkiyə Superliqasını və ölkə kubokunu qazanıb.
