"Liverpul" ispaniyalı yarımmüdafiəçini heyətinə qatmaq istəyir

İngiltərənin "Liverpul" klubu Portuqaliya təmsilçisi "Portu"da çıxış edən Niko Qonsalesi heyətinə qatmaq istəyir.

"QELEBE.AZ" xəbər verir ki, bu barədə "Mundo Deportivo" nəşri məlumat yayıb.

Mersisayd təmsilçisi 22 yaşlı ispan yarımmüdafiəçi üçün qarşı tərəfə təzminat ödəməyə də hazırdır.

Premyer Liqa klubu bu keçid üçün 60 milyon avrodan keçməli olacaq. Oyunçu "Barselona"nın yetirməsi olduğundan həmin məbləğin 40 faizi İspaniya təmsilçisinə çatacaq.

Qeyd edək ki, Niko Qonsales cari mövsüm 24 oyunda 4 qol və 4 məhsuldar ötürmə ilə yadda qalıb.