Azərbaycan ağırlıqqaldıranı Bəhreyndə keçirilən dünya çempionatında çıxış edib

Azərbaycan ağırlıqqaldıranı İsa Rüstəmov (73 kq) Bəhreynin paytaxtı Manama şəhərində keçirilən dünya çempionatında çıxış edib.

"QELEBE.AZ" xəbər verir ki, B qrupunda yarışan atletimiz birdənqaldırma hərəkətində 150 kq nəticə ilə dördüncü olub.

Təkanlaqaldırma hərəkətində 178 kq ağırlığı başı üzərinə qaldıran Rüstəmov bu dəfə də eyni pilləni tutub.

O, toplam 328 kq (150+178) nəticəyə imza ataraq B qrupunu dördüncü yerdə başa vurub.

Qeyd edək ki, 73 kq çəki dərəcəsində yekun sıralama A qrupunda yarışan idmançıların çıxışlarından sonra bəlli olacaq.