Avropa Kuboku: "Kür" komandası ilk oyunda qələbə qazanıb

Azərbaycanın kişi həndbolçulardan ibarət “Kür” komandası Avropa Kubokunda keçirdiyi ilk oyunda qələbə qazanıb.

“Report”un Mingəçevirə ezam olunmuş əməkdaşı xəbər verir ki, II mərhələdən yarışa qoşulan təmsilçimiz Kiprin “Parnassos Strovolu” komandası ilə üz-üzə gəlib.

Mingəçevirdəki Kür Olimpiya Tədris-İdman Mərkəzində baş tutan qarşılaşma Azərbaycan təmsilçisinin 35:31 hesablı qələbəsi ilə bitib.

Qeyd edək ki, komandalar arasında cavab matçı da sabah Mingəçevirdəki Kür Olimpiya Tədris-İdman Mərkəzində keçiriləcək.