Camal Musiala "Bavariya"da ən çox maaş alan iki futbolçuldan biri ola bilər

Almaniyanın "Bavariya" kollektivinin futbolçusu Camal Musiala klubda ən çox maaş alan iki futbolçuldan biri ola bilər.

"QELEBE.AZ" "Sky Sport"a istinadən xəbər verir ki, münhenlilərin rəhbərliyi 21 yaşlı yarımmüdafiəçinin xidmətində maraqlı olan İspaniya təmsilçisi "Real"a (Madrid) keçməməsi üçün onun əmək haqqını artırmağı düşünür.

Yarımmüdafiəçinin maaşı artacağı təqdirdə o, illik 25 milyon avro məvacib əldə edəcək. Komandada hazırda bu məbləği ingiltərəli hücumçu Harri Keyn qazanır.

Qeyd edək ki, C.Musialanın "Bavariya" ilə olan müaviləsi 2026-cı ildə başa çatacaq.