Bıçaqlı hücuma məruz qalan futbolçu 2 ay oynaya bilməyəcək
https://qelebe.az//uploads/photo/bichaqli-hucuma-meruz-qalan-futbolchu-2-ay-oynaya-bilmeyecek.webp
Bir neçə gün öncə supermarketdə bıçaqlı hücuma məruz qalan İtaliyanın "Montsa" klubunun futbolçusu Pablo Mari Vilyarın durumuna aydınlıq gəlib.
"Report" yerli mətbuata istinadən xəbər verir ki, əməliyyat olunan ispaniyalı müdafiəçi təqribən 2 ay yaşıl meydanlardan kənarda qalacaq. 29 yaşlı oyunçu 2-3 gün isə həkimlərin nəzarəti altında olacaq.
Baş vermiş hadisənin komandada şok effekti yaratdığını nəzərə alan klub rəhbərliyi A Seriyasında "Bolonya" ilə keçirməli olduqları XII tur matçının təxirə salınması üçün üçün İtaliya Futbol Federasiyasına müraciət edəcək.
Qeyd edək ki, Pablo Mari Vilyar ötən gün psixi pozğunluğu olan şəxs tərəfindən kürəyindən bıçaqlanıb.
