"Sumqayıt" üç basketbolçu transfer edib
https://qelebe.az//uploads/photo/sumqayit-uch-basketbolchu-transfer-edib.webp
"Sumqayıt" basketbol klubu üç transfer reallaşdırıb.
Klubun mətbuat xidmətindən "QELEBE.AZ"a verilən məlumata görə, onlardan biri 2021-ci ildən Gürcüstanda çıxış edən, ötən mövsüm isə bu ölkənin "Gurjaani" klubunda oynamış 200 sm boya malik 29 yaşlı forvard Derrik Nyutondur.
Daha bir amerikalı basketbolçu Kalen Houkinsdir. 193 sm boya malik 25 yaşlı oyunqurucusu son olaraq ABŞ-nin "Alcon State Braves" komandasında oynayıb.
"Sumqayıt"ın digər yeni basketbolçusu rusiyalıdır. 181 sm boya malik 36 yaşlı oyunqurucusu Andrey Mateyunas 2009-cu ildə "Avtodor", 2018-ci ildə isə "Spartak Primorye" ilə Rusiya çempionu olub. O, ötən mövsüm "SŞOR-Lokomotiv Kuban" komandasının şərəfini qoruyub.
