İngiltərə millisinin hücumçusu Səudiyyə Ərəbistanına getmək üçün böyük məbləğ tələb edib

İngiltərənin "Brentford" klubunun futbolçusu İvan Toney Səudiyyə Ərəbistanına getmək üçün böyük məbləğ istəyib.

"QELEBE.AZ" "Mirror"a istinadən xəbər verir ki, İngiltərə millisinin hücumçusu "Əl-Əhli" klubundan rəsmi təklif alıb.

Avqustun 31-nə, "transfer pəncərəsi" bağlanana qədər "Brendford"u tərk etmək istəyən 28 yaşlı futbolçu Səudiyyə Ərəbistanına yollanmaq üçün 50 milyon funt-sterlinq tələb edib.

O, "Əl-Əhli"yə qoşulmaq üçün illik 20 milyon avro (17 milyon funt-sterlinq) ödəniş, həmçinin əlavə bonuslar istəyib.

Qeyd edək ki, heytində Roberto Firmino, Riyad Mahrez, Eduard Mendi və Frank Kessi kimi təcrübəli futbolçular olmasına baxmayaraq, "Əl-Əhli" ötən mövsüm çempionatı 3-cü pillədə bitirib.