PFL və "Səbail" klubunun rəhbərliyi arasında görüş keçirilib

Peşəkar Futbol Liqası (PFL) və “Səbail” futbol klubunun rəhbər heyəti arasında görüş keçirilib.

"QELEBE.AZ" PFL-in rəsmi saytına istinadən xəbər verir ki, paytaxt təmsilçisinin icraçı direktoru Fərəc Əliyev PFL prezidenti Elxan Səmədov, vitse-prezident Aslan Şahgəldiyev, texniki idman direktoru Elgiz Abbasov, media və marketinq direktoru Sənan Abdullayevdən ibarət heyətə görüşə görə təşəkkür edib.

Klubun baş meneceri Zamiq Hüseynov, Müşahidə Şurasının üzvü İxtiyar Asyabi və baş məşqçi Mahmud Qurbanovun da iştirakı ilə müzakirələr aparılıb, Azərbaycan futbolunun hazırkı durumu, planlar barədə danışılıb.

PFL prezidenti klubları narahat edən məqamlara mümkün qədər qısa zamanda son qoyulması üçün çalışdıqlarını, bütün iradlara, müzakirələrə açıq olduqlarını ifadə edib.