KİV: UEFA AVRO-2024-ün reqlamentini dəyişdirə bilər
https://qelebe.az//uploads/photo/kiv-uefa-avro-2024-un-reqlamentini-deyishdire-biler.webp
Avropa Futbol Assosiasiyaları İttifaqı (UEFA) 2024-cü ildə Almaniyada keçiriləcək çempionatda iştirak ərizəsində maksimum oyunçu sayının artırılması təklifinə baxmağa hazırdır.
“Report” xəbər verir ki, bu barədə “The Athletic” portalı məlumat yayıb.
Məlumata görə, milli komandaların müraciəti 23 nəfərdən 26 nəfərə qədər genişləndirilə bilər. Məsələ ilə bağlı yekun qərar aprelin 8-də bütün komandaların iştirakı ilə keçiriləcək toplantıda veriləcək.
AVRO-2024-ün final oyunları iyunun 14-dən iyulun 14-dək Almaniyada keçiriləcək. Turnirin qrup mərhələsində 24 komanda mübarizə aparacaq.
2022-ci ilin yazında FİFA və UEFA Rusiya milli komandasının, eləcə də ölkənin bütün klublarının bu təşkilatların nəzarətində olan yarışlarda iştirakını dayandırmaq qərarına gəlib. Rusiya komandaları 2022-ci il dünya çempionatının pley-off mərhələsini, qarşıdan gələn Avropa çempionatını buraxacaqlar.
