Əfsanəvi futbolçu "Qarabağ"ın oyununu izləmək üçün Bakıya gəlib

Fransa millisinin sabiq futbolçusu Kristian Karambö Bakıya gəlib.

"QELEBE.AZ"un məlumatına görə, bu barədə Azərbaycan millisinin skautu İlqar Qurbanov özünün instaqram səhifəsində paylaşım edib.

Əfsanəvi yarımmüdafiəçi bu gün Bakıda "Qarabağ" və Yunanıstan "Olimpiakos"u arasında keçiriləcək UEFA Avropa Liqasının qrup mərhələsinin IV tur oyununu Tofiq Bəhramov adına Respublika stadionundan izləyəcək. O, hazırda Pirey təmsilçisinin idman direktorudur.

Qeyd edək ki, görüş saat 20:45-də start götürəcək.