İngiltərə Premyer Liqasında ayın ən yaxşı futbolçusu açıqlanıb

İngiltərə Premyer Liqasında noyabrın ən yaxşı futbolçusu açıqlanıb.

“QELEBE.AZ”un turnirin rəsmi saytına istinadən məlumatına görə, “Mançester Yunayted”in müdafiəçisi Harri Maquayr bu ada layiq görülüb.

30 yaşlı oyunçu “qırmızı şeytanlar”ın heyətində ötən ay hər üç matçı əvəz edilmədən keçirib. İngiltərə millisinin üzvü rəqiblərin zərbələrinə blok sayında birinci, hava mübarizələrindəki üstünlüyə görə isə ikinci olub.

Qeyd edək ki, Harri Maquayr bu mövsüm Premyer Liqada 10 oyunda iştirak edib.