Messi Səudiyyə Ərəbistanı klubunun futbolçusu ola bilər
https://qelebe.az//uploads/photo/messi-seudiyye-erebistani-klubunun-futbolchusu-ola-biler.webp
Hazırda ABŞ-da “İnter Mayami” futbol klubunda çıxış edən argentinalı futbolçu Lionel Messi Səudiyyə Ərəbistandakı klublardan birinə keçə bilər.
“QELEBE.AZ”un məlumatına görə, bu barədə “Sport.es” xəbər verib.
Səudiyyəlilər Messini 2024-cü ilin fevralına qədər icarəyə götürə bilərlər.
“İnter Mayami” “Sinsinnati”yə uduzduqdan sonra pley-off mərhələsinə vəsiqə şansını itirib. Belə ki, “İnter Mayami” öz meydanında məğlub olub. Oyunda yeganə qolu oyunun 78-ci dəqiqəsində Alvaro Barreal vurub.
Messi iki il Fransanın “PSJ” futbol komandasında oynadıqdan sonra 2023-cü ilin yayında “İnter Mayami”yə keçib. O, ilk oyunda cərimə zərbəsindən qol vuraraq klubda debüt edib. Avqustun 20-də argentinalı Amerikada ilk kubokunu qazanıb.
