“Səbail”in neçə futbolçu transfer edəcəyinə aydınlıq gəlib

“Səbail”in qış transfer dönəmini necə keçirəcəyinə aydınlıq gəlib.

Bakı klubunun yeni baş məşqçisi Şahin Diniyev “Report”a müsahibəsində cəmi bir mövqeyə oyunçu axtardıqlarını bildirib.

57 yaşlı mütəxəssis sağ cinah vinger mövqeyini gücləndirmək istədiklərini sözlərinə əlavə edib: “Elə də çox problemlərimiz yoxdur. Rəqabət baxımından bir mövqenin gücləndirilməsinə ehtiyacımız var. Vingerimiz Ruslan Hacıyevin zədə ucbatından kənarda olması bizə gələcəkdə problem yarada bilər. Güclənsək, yaxşı olar. Ancaq heç kimi almadan da yolumuza davam edə bilərik. Klubda bu yöndə işlər gedir. Türkiyədəki toplanış zamanı transfer çalışmalarını yekunlaşdırmaq istəyirik. Çünki Bakıya qayıtdıqdan sonra kimisə heyətə cəlb etmək artıq çətin olacaq”.

Diniyev, eyni zamanda, hazırkı heyətdən heç bir futbolçunun qış fasiləsində komandanı tərk etməyəcəyini vurğulayıb.