İngiltərə yığması rekorda imza atıb

İngiltərə yığması yoldaşlıq görüşündə Şotlandiya millisini məğlub edib.

APA xəbər verir ki, görüş 3:1 hesabı ilə başa çatıb.

Bununla da İngiltərə yığması 600 qələbə ilə Avropa milli komandaları arasında rekorda imza atıb.

Oyunda qolları "Mançester Siti"nin müdafiəçisi Kayl Uoker, "Real"ın futbolçusu Cud Bellinqhem və "Bavariya"dan Harri Keyn vurub. “Mançester Yunayted”in şərəfini qoruyan ingilis futbolçu Harri Maquayr topu öz qapısına vurub.

Xatırladaq ki, sentyabrın 9-da Avro-2024-ün seçmə mərhələsi çərçivəsində İngiltərə Ukrayna ilə heç-heçə oynayıb. Komandalar görüşü 1:1 hesabı ilə başa vurub.