Azərbaycan təmsilçisi Ümumdünya Şahmat Olimpiadasında qızıl medal qazanıb
https://qelebe.az//uploads/photo/azerbaycan-temsilchisi-umumdunya-shahmat-olimpiadasinda-qizil-medal-qazanib.webp
Niderlandın Eyndhoven şəhərində yeniyetmələrin Ümumdünya Şahmat Olimpiadasına yekun vurulub.
"Report"un məlumatına görə, 47 ölkədən 63 komandanın mübarizə apardığı olimpiadada Azərbaycan millisi Read Səmədov, Xaqan Əhməd, Cahandar Azadəliyev və Nərmin Abdinova ilə təmsil olunub.
Yığma yarışı 12-ci pillədə başa vurub. Read Səmədov birinci lövhədə 9 oyundan 8 xal toplamaqla ən yüksək nəticə sahibi kimi qızıl medala layiq görülüb.
Mükafatlandırma mərasimində Read Səmədovun şərəfinə Azərbaycan himni səsləndirilib.
