Avropa Oyunları: Azərbaycanın qadın badmintonçuları məğlub olub - YENİLƏNİB - 3

Azərbaycan badmintonçuları Era Məftuha və Keyşa Fatimə Zəhra Polşada təşkil olunan III Avropa Oyunlarında qadınların qoşa kateqoriyasında ilk görüşlərini keçiriblər.

"Report"un yarışa ezam olunmuş əməkdaşının məlumatına görə, idmançılar D qrupunda Beatriz Korallez - Klara Azurmendi (İspaniya) tandemi ilə üz-üzə gəliblər.

Qarşılaşma rəqibin 2:0 (21:5, 21:17) hesablı qələbəsi ilə yekunlaşıb.

Azərbaycan badmintonçuları Edi Reski Dviçayo və Ezmi Qovimuradmadhoni Polşada təşkil olunan III Avropa Oyunlarında kişilərin qoşa kateqoriyasında ilk görüşünü keçirib.

"Report"un yarışa ezam olunmuş əməkdaşının məlumatına görə, idmançılar B qrupunda Böyük Britaniya təmsilçiləri Ben Leyn-Şon Vendi tandemi ilə üz-üzə gəlib.

Qarşılaşma rəqibin 2:0 (21:8,21:10) hesablı qələbəsi ilə bitib.

Azərbaycanın daha bir badmintonçusu Polşada təşkil olunan III Avropa Oyunlarında qələbə qazanıb.

"Report"un yarışa ezam olunmuş əməkdaşının məlumatına görə, Keyşa Fatimə Zəhra D qrupunda litvalı Samanta Qolubikaite ilə üz-üzə gəlib.

Azərbaycan təmsilçisi rəqibini 2:0 hesabı ilə üstələyib.

Azərbaycan badmintonçusu Eddi Reski Dviçayo Polşada təşkil olunan III Avropa Oyunlarında mübarizəyə başlayıb.

"Report"un yarışa ezam olunmuş əməkdaşının məlumatına görə, idmançı fərdi mübarizədə G qrupunda ilk görüşünü ispaniyalı Luis Enrike Penalveə qarşı keçirib.

Qarşılaşma Azərbaycan təmsilçisinin qələbəsi ilə yekunlaşıb - 2:1

Qeyd edək ki, III Avropa Oyunları iyulun 2-də başa çatacaq.