Azərbaycanın voleybol hakimi Türkiyə millisinin oyununu idarə edəcək
https://qelebe.az//uploads/photo/azerbaycanin-voleybol-hakimi-turkiye-millisinin-oyununu-idare-edecek.webp
Beynəlxalq dərəcəli hakim Eldar Zülfüqarov Avropa Voleybol Konfederasiyasından növbəti dəfə təyinat alıb.
"Report"un məlumatına görə, o, kişi voleybolçular arasında "Qızıl Avropa Liqası"nda A qrupunda yer alan Türkiyə və Rumıniya yığmalarının qarşılaşmasını idarə edəcək.
Oyun iyunun 4-də Konya şəhərində keçiriləcək. Görüşdə ikinci hakim funksiyasını türkiyəli Burhan İlhan yerinə yetirəcək.
Qeyd edək ki, matç Bakı vaxtı ilə saat 18:00-da başlayacaq.
