Reza Mehmandost: “Hər yerdə deyirəm ki, mən azərbaycanlıyam”

“Hər yerdə deyirəm ki, mən azərbaycanlıyam”.

Bunu “Report”a müsahibəsində taekvondo üzrə Azərbaycan millisinin baş məşqçisi Reza Mehmandost söyləyib.

2015-ci ilin əvvəlindən Azərbaycanda fəaliyyət göstərən mütəxəssis bununla fəxr etdiyini bildirib: “Artıq 10 ilə yaxındır Azərbaycanın çörəyini yeyirəm, suyunu içirəm. Buranı çox sevirəm. Bu ölkənin insanları çox mehribandırlar”.

Baş məşqçi Azərbaycan taekvondosu ilə bağlı ən böyük narahatlığını da dilə gətirib. O, rəqabətin azlığından gileylənib: “Problem əhali sayının az olmasındadır. Məsələn, İranda 85 milyondan çox əhali var, onun iki milyonu taekvondo ilə məşğul olur. Azərbaycanda isə taekvondoya gələn uşaq sayı çox azdır. Uşaqlarda istedad, güc var. Sadəcə, rəqabət azdır. Götürək elə Cavad Ağayevi. Onun alternativi yoxdur ki, rəqabət hiss eləsin. Rəqabət olmayan yerdə də inkişaf etmək çətindir”.

Reza Mehmandostun müsahibəsinin tam versiyasını buradan oxuya bilərsiniz.