Premyer Liqa: "Qəbələ" Sumqayıtda əzmkar qələbə qazanıb

Azərbaycan Premyer Liqasında XXXI tura yekun vurulub.

"QELEBE.AZ"un məlumatına görə, bağlanış oyununda "Qəbələ" Sumqayıtda eyniadlı komandanın qonağı olub. "Kapital Bank Arena"da keçirilən görüş "qırmızı qaralar"ın əzmkar qələbəsi ilə yekunlaşıb - 3:2.

Qolların hamısı ikinci hissədə vurulub. Hesabı 58-ci dəqiqədə "gənclik şəhəri" təmsilçisinin yarımmüdafiəçisi Vüsal İsgəndərli açıb. 5 dəqiqə sonra Kərim Abubakar komandasının üstünlüyü 2 topa çatdırıb. 74-cü dəqiqədə qonaqlardan Omar Hani buraxılan qollardan birinin əvəzini çıxıb. 78-ci dəqiqədə Emin Səfərov tarazlığı bərpa edib. Son nöqtəni isə əsas vaxta əlavə olunmuş 5-ci dəqiqədə Ramon Maçado qoyub.

Bu nəticədən sonra xallarını 45-ə çatdıran "Qəbələ" 4-cü pillədəki mövqeyini möhkəmlədib. 25 xalı olan "Sumqayıt" isə 8-ci sırada qalıb.

Qeyd edək ki, turun əvvəlki üç matçlarında "Şamaxı" "Kəpəz"lə, "Neftçi" "Səbail"lə 1:1, "Qarabağ" "Zirə" ilə 2:2 hesablı heç-heçə edib, "Sabah" isə səfərdə "Turan Tovuz"u iki cavabsız qolla üstələyib.

Azərbaycan Premyer Liqasının XXXI turunun bağlanış oyununda üz-üzə gələcək "Sumqayıt" və "Qəbələ"nin start heyətləri açıqlanıb.

"QELEBE.AZ" Peşəkar Futbol Liqasının rəsmi saytına istinadən xəbər verir ki, komandalar meydana aşağıdakı "11-lik"lərlə çıxacaqlar:

"Sumqayıt": 25. İlnur Valiev, 6. Vüqar Mustafayev (k), 14. Elvin Bədəlov, 10. Vüsal İsgəndərli, 17. Murad Xaçayev, 18. Süleyman Əhmədov, 5. Stiven Pereyra, 9. Karim Abubakar, 23. Kamran Əliyev, 12. Todor Todoroski, 71. Masaki Murata
Ehtiyat oyunçular: 13. Aydın Bayramov, 56. Ayxan Qocayev, 24. Elşən Abdullayev, 11. Rüfət Abdullazadə, 8. Səbuhi Abdullazadə, 20. Ayxan Süleymanlı, 7. Terrens Tisdel, 37. Alya Ture
Baş məşqçi: Samir Abasov

"Qəbələ": 13. Kristof Atanqana, 2. İlkin Qırtımov, 34. Urfan Abbasov (k), 27. Məqsəd İsayev, 14. Ülvi İsgəndərov, 91. Ramon Maçado, 4. Ruan Renato, 5. İsnik Alimi, 23. Rafael Utziq, 97. Felipe Santos, 6. Feras Abu Akal
Ehtiyat oyunçular: 36. Elməddin Sultanov, 11. Asif Məmmədov, 28. Murad Musayev, 7. Rövlan Muradov, 33. Hüseyn Mürsəlov, 77. Emil Səfərov, 17. Yaovi Akakpo, 10. Omar Hani, 8. Andrey Strijak
Baş məşqçi: Elmar Baxşıyev

Qeyd edək ki, Sumqayıtdakı "Kapital Bank Arena"da keçiriləcək qarşılaşma saat 18:00-da başlayacaq.