Azərbaycan Premyer Liqası: Turun açılış oyununda qalib müəyyənləşməyib

Futbol üzrə Azərbaycan Premyer Liqasında XXVI tura start verilib.

"Report" xəbər verir ki, açılış matçında "Kəpəz" "Zirə"ni qəbul edib.

Gəncə şəhər stadionundakı qarşılaşma 1:1 hesabı ilə başa çatıb. Bölgə təmsilçisinin qolunu 38-ci dəqiqədə Fərid Nəbiyev vurub. Qonaqlarda isə Hamidu Keyta 83-cü dəqiqədə penaltini dəqiq yerinə yetirib.

Bu nəticədən sonra xallarının sayını 21-ə çatdıran "Kəpəz" 7-ci pillədəki "Sumqayıt"a çatıb. 37 xala malik "Zirə" 4-cü sıradadır.

Qeyd edək ki, günün digər görüşündə "Sabah" "Sumqayıt"ı qəbul edəcək.

Qeyd edək ki, turun digər oyunlarında martın 11-də “Turan Tovuz” “Qəbələ”ni, “Qarabağ” “Səbail”i qəbul edəcək, ertəsi gün isə “Neftçi” “Şamaxı”nın qonağı olacaq.

Futbol üzrə Azərbaycan Premyer Liqasının XXVI turunda üz-üzə gələcək "Kəpəz" və "Zirə"nin heyətləri bəlli olub.

"Report"un məlumatına görə, komandalar meydana aşağıdakı "11-lik"lərlə çıxacaqlar:

“Kəpəz”: 71. Mario Mustapiç 74. Yusif Nəbiyev (k) 70. Nicat Süleymanov 14. Elçin Əlicanov 77. Fərid Nəbiyev 3. Abdulla Rzayev 40. Ahmed Ayzaya 9. Mate Kvirkviya 78. Yeqor Xvalko 7. Giorgi Kantaria 21. Martins Junior

Ehtiyat oyunçular: 68. Orxan Sadıqlı 25. Elgün Bayramov 8. Tural Axundov 80. Tural Rzayev 2. Zamiq Əliyev 5. İdris İnqilablı 27. Samir Məhərrəmli 91. Nizami Səmədov 97. Nicat Məmmədov 20. Mahir Həsənov 44. Nihat Fərəci 10. Salif Sisse

Baş məşqçi: Tərlan Əhmədov

“Zirə”: 41. Anar Nəzirov 10. Rəhim Sadıxov 32. Qismət Alıyev (k) 11. Rüstəm Əhmədzadə 96. Donald Gerye 23. Andriya Lukoviç 14. Hamidu Keyta 44. Dmitrios Çantakias 26. Nemanya Andelkoviç 17. Toni Qomes 6. Eldar Quliyev

Ehtiyat oyunçular: 1. Mehdi Cənnətov 22. Nail Alışov 15. Ruslan Abışov 77. Mirsayib Abbasov 18. Slavik Alxasov 91. Coşqun Diniyev 9. Loris Broqno 47. Mohamed Hamdaui 5. Moiz Adileu 70. İssa Cibrila 28. Abbas İbrahim 7. Filipe Paxtman

Baş məşqçi: Rəşad Sadıqov

Qeyd edək ki, bu gün Gəncə şəhər stadionunda oynanılacaq qarşılaşma saat 15:00-da başlayacaq.