“Bolonya” müdafiə xəttini gücləndirdi - RƏSMİ

İtaliyanın “Bolonya” klubu heyətinə yeni futbolçu cəlb edib.

Apasport.az xəbər verir ki, A Seriyası təmsilçisi təcrübəli müdafiəçi Matteo Darmyanı transfer edib.

Azad agent statusunda olan 36 yaşlı futbolçu ilə müqavilə imzalanıb. İtaliya millisinin sabiq üzvü yeni komandasında sağ cinah müdafiəçisi mövqeyində çıxış edəcək.

Qeyd edək ki, Matteo Darmyanın son klubu “İnter” olub. O, ötən mövsüm Milan təmsilçisinin heyətində 9 rəsmi matça çıxıb.