Kamal Umudlu İsveç – Şimali Makedoniya matçında

FIFA hakimi Kamal Umudlu növbəti təyinat alıb.

Apasport.az xəbər verir ki, o, 21 yaşadək futbolçular arasında Avropa çempionatının seçmə mərhələsi çərçivəsində keçiriləcək İsveç – Şimali Makedoniya oyununu idarə edəcək.

Ona həmyerliləri Namiq Hüseynov və Vüsal Məmmədov kömək edəcəklər. Dördüncü hakim funksiyasını Əli Əliyev yerinə yetirəcək.

Qeyd edək ki, İsveç – Şimali Makedoniya matçı saat 20:30-da başlayacaq.