Lionel Messi 2022-ci ilin futbolçusu seçilib

Beynəlxalq Futbol Federasiyası (FİFA) Fransanın "Paris Sen-Jermen" klubunun argentinalı hücumçusu Lionel Messini 2022-ci ilin ən yaxşı futbolçusu elan edib.

APA xəbər verir ki, Parisdə keçirilən mərasimdə ilk üçlüyə Messinin PSJ-dən komanda yoldaşı fransalı Kilian Mbappe və İspaniya "Real"ının fransız hücumçusu Kərim Benzema da daxil olub.

Qeyd edək ki, Messi 2022-ci ildə Qətərdə keçirilən dünya çempionatının qalibi olub və turnirin ən yaxşı oyunçusu seçilib.