Azərbaycan komandası Çempionlar Liqasında qələbə qazanaraq mərhələ adlayıb

Minifutbol üzrə Azərbaycan çempionu "Beerbaşa" komandası EMF Çempionlar Liqasının qrup mərhələsində növbəti qələbəsini qazanaraq daha bir tarixi nailiyyətə imza atıb.

"Report" xəbər verir ki, "Beerbaşa" Rumıniyanın AEK (Oradya) komandasını 4:0 hesabı ilə məğlub edib.

Qolları Elvin Əlizadə, Emin Əliyev, Cəfər Cəfərov və Emil Məmmədov vurub. Bununla da komanda 6 xalla B qrupunun lideri olub və 1/8 finala adlayıb.

Qeyd edək ki, "Beerbaşa" ilk turda Çexiyanın "La Plate de Kunde" komandasına 1:2 uduzub. Azərbaycan çempionu daha sonra Bolqarıstanın "DXC Texnoloci" komandasını 5:1 hesabı ilə məğlub edib.