“Valensiya”da yeni baş məşqçi – Xavyer Aqirre yenidən İspaniyada

İspaniyanın “Valensiya” klubu yeni baş məşqçisini açıqlayıb.

Apasport.az xəbər verir ki, Karlos Korberanın gedişindən sonra boş qalan posta meksikalı mütəxəssis Xavyer Aqirre gətirilib.

67 yaşlı məşqçi ilə mövsümün sonunadək müqavilə imzalanıb. “Valensiya” Avropa Liqasına vəsiqə qazanacağı təqdirdə, anlaşmanın daha bir mövsüm uzadılması nəzərdə tutulub.

Aqirre bununla İspaniya La Liqasında 7-ci klubuna rəhbərlik edəcək. O, daha əvvəl “Osasuna”, “Atletiko”, “Saraqosa”, “Espanyol”, “Leqanes” və “Malyorka”nın baş məşqçisi olub. Meksikalı mütəxəssis son olaraq DÇ-2026-da Meksika millisini çalışdırıb.

Qeyd edək ki, “Valensiya” La Liqada 7 turdan sonra 4 xalla aşağı pillələrdə qərarlaşıb. Aqirrenin əsas vəzifəsi komandanı uğursuz startdan çıxarmaq olacaq.