Millimizin üzvü “Gəncə”də

“Gəncə” voleybol klubu heyətini gücləndirməkdə davam edir.

Apasport.az xəbər verir ki, komanda Azərbaycan millisinin üzvü Ülkər Kərimova ilə anlaşıb.

Bu barədə bölgə təmsilçisinin mətbuat xidməti məlumat yayıb.

Razılaşmaya əsasən, oyunçu ilə 1 illik müqavilə imzalanıb.

Qeyd edək ki, təcrübəli voleybolçu karyerası ərzində ölkəmizin bir sıra klublarında çıxış edib. O, İslam Həmrəyliyi Oyunlarının gümüş medalçısı olmaqla yanaşı, dəfələrlə Azərbaycan çempionu adını qazanıb.