3 boksçumuz Avropa çempionatında 1/4 finala yüksəlib

Serbiyanın Loznitsa şəhərində keçirilən U-19 Avropa çempionatında Azərbaycan millisinin daha 3 boksçusu 1/4 finala yüksəlib.

Apasport.az xəbər verir ki, Nihat Qasımov (55 kq), Əli Baxışov (60 kq) və Şahin Aslanov (65 kq) bu mərhələyə vəsiqə qazanıblar.

N.Qasımov ikinci döyüşündə çexiyalı Doryan Kropoqa üçüncü raundda tam üstünlüklə qalib gəlib. O, 1/4 finalda ingiltərəli Ruben Hujmannla üz-üzə gələcək.

Ə.Baxışov xorvatiyalı Petar Krpanı 5:0 (30:27, 30:27, 30:27, 30:27, 30:27) hesabı ilə məğlub edib. O, yarımfinala gedən yolda slovakiyalı Kristian Haraşiklə mübarizə aparacaq.

Ş.Aslanov rusiyalı Muhammad Ali Seferbekovdan üstün olub – 3:2 (28:29, 29:28, 27:30, 30:27, 29:28). İdmançı 1/4 finalda ingiltərəli Yaşua Flemminqlə qarşılaşacaq.

Bununla da oğlan boksçuların yarışında 1/4 finala yüksələn Azərbaycan təmsilçilərinin sayı 4-ə çatıb. Daha əvvəl Əli Əliyev (50 kq) də bu hüquqa yiyələnib.