ÇL: “Fənərbaxça”nın oyunu almanlara həvalə olunub

UEFA Çempionlar Liqasının pley-off mərhələsində keçiriləcək “Fənərbaxça” – “Lion” ilk oyununa hakim təyinatları açıqlanıb.

Apasport.az xəbər verir ki, avqustun 18-də İstanbulda keçiriləcək qarşılaşmanı Almaniyadan olan Sven Yablonski idarə edəcək.

Ona həmyerliləri Eduard Beytinqer və Erik Müller kömək edəcəklər. Dördüncü hakim funksiyasını Tobias Rayxel yerinə yetirəcək.

VAR hakimi Kristian Dinqert, AVAR isə Paskal Müller olacaq.

Qeyd edək ki, komandalar arasında cavab görüşü avqustun 26-da Fransada keçiriləcək. Cütün qalibi Çempionlar Liqasının əsas mərhələsində mübarizə aparacaq.