“Liverpul”un yarımmüdafiəçisi İtaliya yolunda

İtaliyanın “İnter” klubu “Liverpul”un yarımmüdafiəçisi Körtis Consu transfer etmək niyyətindən əl çəkmir.

Apasport.az xəbər verir ki, Milan təmsilçisi 25 yaşlı futbolçu üçün 30 milyon funt-sterlinq ödəməyə hazırdır.

Bildirilib ki, “Liverpul” “İnter”in daha əvvəl irəli sürdüyü 21,75 milyon funt-sterlinqlik təklifi qəbul etməyib.

Körtis Cons ötən mövsüm bütün turnirlərdə 49 oyunda meydana çıxaraq 3 qol vurub və 3 məhsuldar ötürmə ilə yadda qalıb.

Qeyd edək ki, ingiltərəli yarımmüdafiəçinin “Liverpul”la müqaviləsinin müddəti 2027-ci ilin yayına qədər nəzərdə tutulub.