"Mançester Yunayted"dən vacib qələbə - 3-cü pillə

İngiltərə Premyer Liqasında XXXIV tura yekun vurulub. 

Apasport.az xəbər verir ki, günün yeganə matçında "Mançester Yunayted" doğma divarlar arasında "Brentford"u qəbul edib.

"Old Trafford"un 3 qola şahidlik etdiyi matçda meydan sahibləri qələbə qazanıb: 2:1.

Kazemiro və Şeşkonun qollarına qonaqlar Yensenle cavab verib.

Xallarının sayını 61-ə çatdıran "Yunayted" 3-cü pilləyə yüksəlib.

Turnir cədvəlinə 73 xalla "Arsenal" başçılıq edir. Bir oyun azlıqda olan "Mançester Siti" 70 xalla ikinci pillədə qərarlaşıb.