III MDB Oyunlarının medal sıralamasında Azərbaycan ikinci yerdədir

Azərbaycanın yeddi şəhərində III MDB Oyunları davam edir.

Apasport.az xəbər verir ki, hazırda medal sıralamasında Rusiya 157 (89-40-28) medalla liderdir.

Azərbaycan isə 139 medalla ikinci pillədə qərarlaşıb: 23 qızıl, 44 gümüş və 72 bürünc medal. Üçüncü yerdə isə Belarusdur – 84 (20-23-41) medal.

Bu günə qədər III MDB Oyunlarında 9 ölkənin idmançıları medal qazanıb. Ümumilikdə, Oyunlarda 13 ölkənin atletləri iştirak edir.