Millimiz İslandiyaya qarşı - YENİLƏNİR

Azərbaycan millisi bu gün DÇ-2026-nın seçmə mərhələsində ilk oyununa çıxacaq.

QELEBE.AZ xəbər verir ki, Fernandu Santuşun rəhbərlik etdiyi komanda səfərdə İslandiya ilə qarşılaşacaq.

Reykyavikdə baş tutacaq görüş Bakı vaxtı ilə saat 22:45-də start götürəcək.

Niderlanddan olan hakimlər briqadasının idarə edəcəyi qarşılaşma “CBC Sport” kanalı vasitəsilə canlı yayımlanacaq.

Qeyd edək ki, Azərbaycan milli komandası D qrupu çərçivəsində sentyabrın 9-da saat 20:00-da Tofiq Bəhramov adına Respublika Stadionunda Ukrayna yığması ilə qarşılaşacaq.

DÇ-2026 
Seçmə mərhələ, I tur

22:45 İslandiya – Azərbaycan

Reykyavik, “Lauqardalsvollur” stadionu

Baş hakim: Sander van der Eiyk
Baş hakimin köməkçiləri: Rens Bluemink, Stefan de Qroot
Dördüncü hakim: Mark Naqteqaal
VAR hakimləri: Jeroen Manşot, Kley Ruperti