Dünya çempionatı: Azərbaycanın üç cüdoçusu 1/4 finala yüksəlib

Azərbaycanın üç yeniyetmə cüdoçusu Bolqarıstanın paytaxtı Sofiyada keçirilən dünya çempionatında 1/4 finala yüksəlib.

"QELEBE.AZ"un yarışa ezam olunmuş əməkdaşının məlumatına görə, Xədicə Abdullayeva, Gülşən Hüseynova (hər ikisi 44 kq) iki qarşılaşmada qalib gələrək bu raunda vəsiqə əldə ediblər.

Anar Quliyev (50 kq) 1/8 finalda Ermənistan təmsilçisi Narek Davtyandan güclü olub.

Rza Xəlilli (50 kq) və Rəsul Əlizadə (55 kq) 1/16 finalda məğlub olublar.

Məhəmmədəli Hüsiyev (55 kq) 1/16 finalda qalib gələrək mərhələ adlayıb.

Qeyd edək ki, dünya çempionatında fərdi müvarizə avqustun 30-da bitəcək. Avqustun 31-də qarışıq komanda yarışı baş tutacaq.