İspaniya klubu Yunanıstan millisinin qapıçısını icarəyə götürüb

İspaniyanın "Sevilya" klubu İngiltərə təmsilçisi "Nyukasl"ın və Yunanıstan millisinin qapıçısı Odisseas Vlahodimosu 2025/2026 mövsümünün sonuna qədər icarəyə götürüb.

"Report" xəbər verir ki, 31 yaşlı qolkiper ötən mövsüm "sağsağanlar"ın heyətində cəmi bir oyun keçirib.

Vlahodimos daha çox Portuqaliyanın "Benfika" klubunun heyətindəki çıxışı ilə tanınıb. O, bu komandada keçirdiyi 225 oyunda 217 qol buraxıb, 94 dəfə qapısını toxunulmaz saxlayıb.