"Qarabağ"a uduzan "Olimpiakos" avrokuboklardakı antirekordu yeniləyib

UEFA Avropa Liqasının qrup mərhələsinin III turunda "Qarabağ"a uduzan "Olimpiakos" Yunanıstan klublarının avrokuboklardakı antirekordunu yeniləyib.

"Report"un məlumatına görə, evdə 0:3 hesabı ilə məğlub olan Pirey təmsilçisinin qələbəsiz oyunlar seriyası 13-ə çatıb.

Daha əvvəl PAOK və "Panatinaikos" ardıcıl 12 matçda qalib gələ bilməmişdi.

Qeyd edək ki, "Qarabağ" və "Olimpiakos" arasındakı növbəti oyun oktyabrın 13-də Tofiq Bəhramov adına Respublika stadionunda olacaq.