Azərbaycanın Avropa çempionu: "Dünya çempionatında da qızıl medal qazanmağa çalışacağam"

Şükür ki, əziyyətim yerdə qalmadı.

"QELEBE.AZ" xəbər verir ki, bunu İtaliyanın Kaorle şəhərində keçirilən U-20 Avropa çempionatında qızıl medal qazanmış Azərbaycanın sərbəst güləşçisi Vasif Bağırov (57 kq) deyib.

O bildirib ki, çəkdiyi zəhmət finalda nəticəsiz qalmayıb: "Buna görə məşqçilərimə təşəkkür edirəm. İnşallah, qarşıdan gələn dünya çempionatında da qızıl medal qazanmağa çalışacağam".

Xatırladaq ki, V.Bağırov finalda gürcüstanlı Nika Zanqaladzeylə gərgin mübarizə şəraitində keçən görüşdə əzmkar qələbə qazanıb. İlk hissəni 5:6 hesabı ilə geridə başa vuran Gəncə güləş məktəbinin yetirməsi fasilədən sonra üstünlüyünü təmin edib – 9:6. Beləliklə, ötən il U-20 Avropa çempionatında gümüş medal qazanan V.Bağırov bu dəfə çempion olub.