Klublararası dünya çempionatı: “Real” "Borussiya"nı məğlub edərək yarımfinala yüksəlib

"Real " klubu Dortmund "Borussiya"sını 3:2 hesabı ilə məğlub edərək klublararası dünya çempionatının yarımfinal mərhələsinə yüksəlib.

"Report"un məlumatına görə, “Metlife” stadionunda (ABŞ, İst-Ruterford, Nyu-Cersi ştatı) baş tutan görüşü braziliyalı referi Ramon Abatti idarə edib.

Hesabı "Real Madrid"in hücumçusu Qonsalo Qarsiya 10-cu dəqiqədə açıb. Bundan 10 dəqiqə sonra isə onun komanda yoldaşı, müdafiəçi Fran Qarsiya fərqi artırıb.

90+2-ci dəqiqədə Almaniya yığmasının hücumçusu Maksimilian Bayer buraxılan qollardan birinin əvəzini çıxsa da, 90+4-cü dəqiqədə hücumçu Kilian Mbappe “Real”ın üçüncü qolunu vurub.

90+6-cı dəqiqədə müdafiəçi Din Huysen komandasının cərimə meydançasında kobud oyuna görə birbaşa qırmızı vərəqə alıb. 90+8-ci dəqiqədə almaniyalı hücumçu Seru Qirassi penaltini dəqiq yerinə yetirərək yekun hesabı müəyyənləşdirib.

Beləliklə, "Real" klublararası dünya çempionatının yarımfinal mərhələsində daha əvvəl "Bavariya"nı məğlub etmiş PSJ ilə qarşılaşacaq.