İmmobile "Beşiktaş"dan 4 milyon avro təzminat tələb edir

"Beşiktaş"ın hücumçusu Ciro İmmobile komandadan ayrılmağa yaxındır.

Apasport.az xəbər verir ki, yeni mövsüm planlarında yer almayan italiyalı forvard üçün A Seriyası təmsilçisi "Bolonya" İstanbul klubu ilə danışıqlara başlayıb.

"Corriere dello Sport" nəşrinin yaydığı məlumata görə, "Bolonya" futbolçunu transfer etmək üçün onun sərbəst qalmasını gözləyir. Lakin İmmobile "Beşiktaş"la mövcud müqaviləsini maddi kompensasiya olmadan ləğv etmək niyyətində deyil

Futbolçunun meneceri Alessandro Moççi müqavilənin qarşılıqlı razılıqla pozulması üçün "Beşiktaş" rəhbərliyindən 4 milyon avro təzminat tələb edir.

"Qara-ağlar" bu tələbə hələlik rəsmi cavab verməyib. Hazırda tərəflər arasında danışıqların davam etdiyi bildirilir.

Qeyd edək ki, 34 yaşlı Ciro İmmobile 2024/25 mövsümündə "Beşiktaş"ın heyətində 41 rəsmi oyunda iştirak edib, 19 qol və 4 məhsuldar ötürmə ilə yadda qalıb.