"Barselona"nın hücumçusu 6 aydan sonra start heyətində meydana çıxacaq

İspaniya təmsilçisi "Barselona"nın hücumçusu Ansu Fati 6 aydan sonra start heyətində meydana çıxacaq.

"Report" xəbər verir ki, kataloniyalıların baş məşqçisi Hans-Diter Flik 22 yaşlı hücumçunu La Liqanın XXXIII turunda "Malyorka"ya qarşı keçiriləcək matçda əsas heyətdə meydana buraxacaq.

O, son olaraq oktaybrın 20-də "Sevilya"ya qarşı matçda (5:1) oyuna start heyətində başlayıb. Cari mövsüm 9 görüşdə forma geyinən Fati heç bir qarşılaşmada fərqlənə bilməyib.

Qeyd edək ki, "Barselona" - "Malyorka" matçı Bakı vaxtı ilə saat 23:30-da başlayacaq.