Premyer Liqanın XXXI turunda "Sabah" "Səbail"ə qalib gəlib
https://qelebe.az//uploads/photo/premyer-liqanin-xxxi-turunda-sabah-sebaile-qalib-gelib.webp
Misli Premyer Liqasının XXXI turunda "Sabah" "Səbail"ə qalib gəlib.
"Report" xəbər verir ki, "Bank Respublika Arena"da keçirilən oyunda "bayquşlar" 3:2 hesablı qələbə qazanıblar.
Meydan sahiblərinin qolları Sofian Çakla (31), Dmitro Litvin (82-öz qapısına) və Coy Lens Mikelsin (90+3) aktivinə yazılıb. Qonaqların heyətində isə İnnosent Nşuti (21) və Süleyman Alluş (74) dəqiq zərbə müəllifi olublar.
Turnir cədvəlində "Sabah" 39 xalla beşincidir. "Səbail" isə 20 xalla sonuncu – onuncu pillədə qərarlaşıb.
Xatırladaq ki, turun açılış oyununda "Araz-Naxçıvan" dünən doğma meydanda "Turan Tovuz"la heç-heçəyə (1:1) razılaşıb.
