“Azərreyl”dən qələbə, “Neftçi” məğlub oldu

Bu gün kişi voleybolçular arasında Yüksək Liqada yarımfinal mərhələsi start götürüb.

Apasport.az xəbər verir ki, ilk oyunlar çərçivəsində iki matç keçirilib.

Hər iki qarşılaşma GİN-in Voleybol Mərkəzində baş tutub. Öncə “Murov Az Terminal”la “Neftçi” qarşılaşıb. Oyun nominal meydan sahiblərinin üstünlüyü ilə başa çatıb. "Ağ-qaralar" yalnız son turda rəqiblərinə ciddi müqavimət göstəriblər. Görüş 3:0 hesabı ilə başa çatıb.

Ardınca “Azərreyl” “Xilasedici” ilə üz-üzə gəlib. "Dəmiryolçular" da hər 3 setdə rəqiblərindən güclü olublar.

Qeyd edək ki, ikinci oyunlar aprelin 18-də keçiriləcək.

Yüksək Liqa (kişilər)
Yarımfinal, ilk oyunlar
16 aprel

15:00. “Murov Az Terminal” - “Neftçi” - 3:0 (25:20, 25:19, 27:25)
GİN-in Voleybol Mərkəzi

17:00. “Azərreyl” - “Xilasedici” - 3:0 (25:22, 25:18, 25:23)
GİN-in Voleybol Mərkəzi