"Turan Tovuz"un azarkeşi vurmağa cəhd edən futbolçusu 2 oyunluq cəzalandırılıb

"Turan Tovuz"un azarkeşi vurmağa cəhd edən futbolçusu Veysəl Rzayev 1-i şərti olmaqla 2 oyunluq cəzalandırılıb.

"Report" xəbər verir ki, bu barədə AFFA-nın İntizam Komitəsinin iclasında qərar qəbul olunub.

05.04.2025-ci il tarixində Misli Premyer Liqasında XXIX turun “Səbail” – “Turan Tovuz” oyunu bitdikdən sonra “Turan Tovuz” klubunun 77 nömrəli futbolçusu Veysəl Rzayev azarkeşi vurmağa cəhd etdiyinə görə 1 oyun şərti olmaqla 2 oyun cəzalandırılsın, “Turan Tovuz” klubu 2000 manat cərimə edilsin. Sınaq müddəti 3 ay təyin edilsin (maddə 40.5; 32)

06.04.2025-ci il tarixində Misli Premyer Liqasında XXIX turun “Sabah” – “Kəpəz” oyunu bitdikdən sonra “Kəpəz” klubunun azarkeşləri tərəfindən pirotexniki vasitədən istifadə edildiyinə görə “Kəpəz” klubu 1500 manat cərimə edilsin (maddə 52.2);

07.04.2025-ci il tarixində Misli Premyer Liqasında XXIX turun “Araz-Naxçıvan” – “Sumqayıt” oyununda “Sumqayıt” klubunun azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 3-cü dəfə təkrarlandığına görə “Sumqayıt” klubu 1000 manat cərimə edilsin (maddə 43.7);