5 cüdoçumuz Gürcüstanda tatamiyə çıxacaq

Bu gün Gürcüstanın paytaxtı Tbilisi şəhərində keçirilən Böyük Dəbilqə turnirinin ikinci günündə 3 çəki dərəcəsində 5 cüdoçumuz tatamiyə çıxacaq.

Apasport.az xəbər verir ki, bu barədə Cüdo Federasiyası məlumat yayıb. 

Kişilər arasında -73 kq çəki dərəcəsində Qədir Hüseynov və Rüfət Şövlətov, -81 kq çəkidə Məhərrəm İmamverdiyev medallar uğrunda mübarizə aparacaq.

Qadınların yarışında isə -70 kq çəkidə Günel Həsənli və Südabə Ağayeva qüvvəsini sınayacaq.