"Mançester Yunayted"in baş məşqçisi Aleks Ferqyusonun nailiyyətini təkrarlayıb

İngiltərənin "Mançester Yunayted" klubunun baş məşqçisi Ruben Amorim "qırmızı şeytanlar"da Aleks Ferqyusonun nailiyyətini təkrarlayıb.

"QELEBE.AZ"un məlumatına görə, 40 yaşlı mütəxəssis buna komandasının UEFA Avropa Liqası matçında Rumıniyada FCSB-ni məğlub etməklə nail olub.

Amorim Mançester təmsilçisinin tarixində komandaya rəhbərlik etdiyi ilk 4 avrokubok oyununda qalib gələn ikinci baş məşqçidir.

Daha əvvəl bunu 1990/1991 mövsümündə klubun sabiq baş məşqçisi Aleks Ferqyuson bacarıb.

Qeyd edək ki, "Mançester Yunayted" Liqa mərhələsini 18 xalla 3-cü pillədə başa vuraraq birbaşa 1/8 finala vəsiqə qazanıb.