"Qarabağ"ın futbolçusu: "Ayın qolu" layihəsinin qalibi olmaq mənə əlavə güc və motivasiya verəcək"

Bu, növbəti oyunlarda mənə əlavə güc və motivasiya verəcək.

Bunu “Report”a açıqlamasında “Qarabağ”ın futbolçusu Toral Bayramov deyib.

23 yaşlı müdafiəçi Misli Premyer Liqasında “Ayın qolu” layihəsinin qalibi olmasına münasibət bildirib:

“Məşqlərdə həmişə cərimə zərbələrinin üzərində çalışıram. Belə zərbələri daha mükəmməl yerinə yetirmək üçün etdiyim məşqlərin nəticəsini görmək çox xoş oldu. Bu, növbəti oyunlarda mənə əlavə güc və motivasiya verəcək”.

Qeyd edək ki, T.Bayramovun XVII turda “Sumqayıt”la qarşılaşmanın 90+2-ci dəqiqəsində cərimə zərbəsindən vurduğu qol dekabr ayının ən yaxşısı seçilib.