Emin Mahmudov: "Məşqlərə başlamamışam, bərpa prosesi davam edir"

Məşqlərə başlamamışam, bərpa prosesi davam edir.

Bunu "Report"a açıqlamasında "Neftçi"nin və Azərbaycan millisinin futbolçusu Emin Mahmudov deyib.

32 yaşlı yarımmüdafiəçi zədəsinin hələ də sağalmamasına toxunub:

"Hazırda heç bir dəyişiklik yoxdur. Məşqlərdə iştirak etmirəm. Bu həftə oynamayacağım dəqiqdir. Növbəti oyuna isə baxacağıq".

Qeyd edək ki, Emin Mahmudov Azərbaycan yığmasının noyabrın 16-da Estoniyaya qarşı keçirdiyi UEFA Millətlər Liqası matçından əvvəl zədələnib. "Neftçi" Misli Premyer Liqasının XVII turunda, dekabrın 15-də "Kəpəz"i qəbul edəcək. "Ağ-qaralar" ilin son turunda, dekabrın 21-də isə "Turan Tovuz"un qonağı olacaq.