Amerikalı üzgüçü dünya rekordçusu olub

Amerikalı üzgüçü Qretçen Uolş kompleks üsulu ilə 100 metr məsafəni 55,98 saniyəyə qət edərək dünya rekordçusu olub.

"QELEBE.AZ"un məlumatına görə, idmançı bunu "Virciniya Universiteti" və "Florida" komandalarının görüşündə reallaşdırıb.

Əvvəlki rekord 2017-ci ildə 56,51 saniyə göstərici ilə macarıstanlı üzgüçü Katinka Hossuya məxsus idi.

Qretçen Uolş tarixdə bu növdə məsafəni 56 saniyədən az vaxtda qət edən ilk qadın üzgüçü olub. O, bu nəticədən sonra həmyerlisi Keyt Duqlasın (56,99) ölkədaxili yarışlardakı rekordunu da qırıb.

Qeyd edək ki, 2023-cü ildə Q.Uolş dünya çempionu olub, həmçinin 2024-cü ildə Parisdə keçirilən Yay Olimpiya Oyunlarında iki qızıl medal qazanıb.