Ronaldinyo ABŞ klubunun səhmdarı olub
https://qelebe.az//uploads/photo/ronaldinyo-absh-klubunun-sehmdari-olub.webp
İspaniyanın "Barselona" klubunun və Braziliya millisinin keçmiş oyunçusu Ronaldinyo ABŞ klubu "Qrinvil Triumf"un səhmdarı olub.
"Report" xarici KİV-ə istinadən xəbər verir ki, Cənubi Karolina təmsilçisi 2018-ci ildə yaradılıb və ABŞ-nin III Liqasında çıxış edir.
44 yaşlı keçmiş yarımmüdafiəçi futbolun inkişafına dəstək üçün belə addım atdığını bildirib.
Qeyd edək ki, Ronaldinyo 2018-ci ildə karyerasını başa vurub. O, Braziliyada "Qremio", "Flamenqo", "Atletiko Mineyro", "Fluminense", Fransada PSJ, İspaniyada "Barselona", İtaliyada "Milan" və Meksikada "Queretaro" klublarında forma geyinib.
