Xuan Kuadrado yenidən A Seriyasında çıxış edə bilər

İtaliyanın "Yuventus" klubunun və İngiltərə təmsilçisi "Çelsi"nin keçmiş yarımmüdafiəçisi Xuan Kuadrado yenidən A Seriyasında çıxış etməyə yaxındır.

"QELEBE.AZ" "Sportitalia"ya istinadən xəbər verir 36 yaşlı kolumbiyalı futbolçu karyerasını "Atalanta" klubunda davam etdirə bilər.

İnternetdə Milandakı klinikaların birinə tibbi müayinə üçün getməsi ilə bağlı görüntüləri yayılan təcrübəli futbolçu bu yay "İnter"dən ayrıldıqdan sonra klubsuzdur.

Qeyd edək ki, futbolçu zədə səbəbindən ötən mövsümün çox hissəsini buraxmışdı. X.Kuadrado A Seriyasında meydana çıxdığı 10 matçda 2 məhsuldar ötürmə edib.